ABBAVILLA — L'Avocat Xheneral, Magniloqueu da Lhiun, tent ziscovrat qe non ja'iens legeu Talossan contra la falçatrúa electoral.El duceu del RUMP, Alexandreu Davinescu, tignhova quaxhitat l'Avocat Xheneral à prosecutarh el praischciatour scändlic Eiric S. Bornätfiglheu sub el legeu dal falçatrúa electoral; mas da Lhiun reveleva q'o non pognheva façarh-en, parç qe non exista ün tal legeu!
J'ont dals proviziuns contra la falçatrúa electoral in el codeu dal Visconça, mas acestilor-là non façent pärts dal porziun del codeu corporescu àl legeu Talossan par la titla A del Lexhatx.
Acest isch ün schoc per els lexhislateirs Talossaes, qi fossent strax scrudarh aceasta fora in el süstem lexhital.
El Segnhor Cresti Siervicül tent suxhestat dals paþeux alternatíus: per exampal, prosecutarh per la falçatrúa dal identità, l'útzil sanc auþorisaziun dels documenteux, eda el falsificatx.
No comments:
Post a Comment